Styrktarhlaup UNICEF vorið 2019

Nemendur í 1. -3. bekk Foldaskóla tóku þátt í Unicef-hlaupinu í maí 2019.

í heildina söfnuðu þau 288.561 krónum! Það er virkilega vel gert! Þessir peningar eiga eftir að nýtast UNICEF víðsvegar um heiminn í þeim tilgangi að uppfylla grundvallarmannréttindi barna.
Með þessari upphæð verður til dæmis hægt að:

  • Kaupa 857 vatnshreinsitöflur, en með þeim er hægt að hreinsa yfir 2.2 milljón lítra af ódrykkjarhæfu vatni og gera öruggt til þess að drekka eða nota í matargerð og fl.
  • Kaupa yfir 12.600 skammta af bóluefni gegn mænusótt
  • Kaupa 320 skammta af vítamínbættu jarðhnetumauki, nóg til þess að veita a.m.k. tuttugu lífshættulega vannærðum börnum þrjá mánuði af allri þeirri næringu sem þau þurfa til þess að ná heilbrigðri þyngd.

Við þökkum nemendum, foreldrum og kennurum fyrir metnaðarfullt framtak í anda Heimsmarkmiða og Barnasáttmála Sameinuðu þjóðanna og umhverfis- og heilsustefnu skólans.